வரலாற்றில் மே 16

10ஆம் நூற்றாண்டு

1. 946

   யப்பான் பேரரசர் சுசாக்கு முடிதுறந்தார். அவரது சகோதரர் முறக்காமி 62-வது பேரரசராகப் பதவியேற்றார்.

16ஆம் நூற்றாண்டு

1. 1527

   புளோரன்சு மீண்டும் குடியரசானது.

2. 1532

   சர் தாமஸ் மோர் இங்கிலாந்தின் உயராட்சித் தலைவர் பதவியில் இருந்து விலகினார்.

3. 1568

   ஸ்காட்லாந்தின் முதலாம் மேரி அரசி இங்கிலாந்துக்குத் தப்பி ஓடினார்.

17ஆம் நூற்றாண்டு

1. 1667

   யாழ்ப்பாணத்தில் முதன் முறையாக வாக்கிய பஞ்சாங்கம் இராமலிங்க முனிவரால் வெளியிடப்பட்டது.

18ஆம் நூற்றாண்டு

1. 1739

   வாசை சமரில் மராட்டியர்கள் போர்த்துக்கீச இராணுவத்தைத் தோற்கடித்தனர்.

2. 1770

   14-வயது மாரீ அன்டொனெட் 15-வயது லூயி-ஆகுசுத்தைத் திருமனம் செய்தார். லூயி பின்னர் பிரான்சின் மன்னரானார்.

19ஆம் நூற்றாண்டு

1. 1811

   கூட்டுப் படைகள் (எசுப்பானியா, போர்த்துக்கல், மற்றும் பிரித்தானியா) பிரெஞ்சுப் படைகளை ஆல்புவேரா என்ற இடத்தில் இடம்பெற்ற போரில் தோற்கடித்தன.

2. 1812

   உருசியப் படைத் தளபதி மிக்கைல் குத்தூசொவ் புக்கரெஸ்ட் உடன்பாட்டில் கையெழுத்திட்டார். உருசிய-துருச்சிப் போர் (1806–12) முடிவுக்கு வந்தது. பசராபியா உருசியப் பேரரசுடன் இணைக்கப்பட்டது.

3. 1874

   அமெரிக்காவின் மாசச்சூசெட்ஸ் மாநிலத்தில் மில் ஆறு பெருக்கெடுத்தில் நான்கு கிராமங்கள் அழிந்தன. 139 பேர் உயிரிழந்தனர்.

4. 1888

   நிக்கோலா தெஸ்லா நீண்ட தூரத்திற்கு மாறுதிசை மின்னோட்டம் மூலம் மின்திறன் செலுத்தும் உபகரணம் பற்றிய சொற்பொழிவை நிகழ்த்தினார்.

5. 1891

   செருமனி, பிராங்க்புர்ட் நகரில் இடம்பெற்ற பன்னாட்டு கண்காட்சி ஒன்றில், உலகின் முதலாவது நீண்டதூர உயர்-வலுக் கடத்தி, முத்தறுவாய் மின்னோட்டம் காட்சிப்படுத்தப்பட்டது.

20ஆம் நூற்றாண்டு

1. 1916

   யாழ்ப்பாணத்தில் முதன் முறையாக வெசாக் பண்டிகை அங்குள்ள சிங்கள மக்களால் கொண்டாடப்பட்டது.

2. 1916

   பிரித்தானியாவும் பிரான்சும் முன்னைநாள் உதுமானியப் பேரரசுப் பகுதிகளான ஈராக்கு மற்றும் சிரியாவைப் இரண்டாகப் பிரிப்பதற்கு இரகசிய உடன்படிக்கையை ஏற்படுத்திக் கொண்டன.

3. 1920

   உரோமில் ஜோன் ஆஃப் ஆர்க் திருத்தந்தை 15ம் பெனடிக்ட்டினால் புனிதப்படுத்தப்பட்டார்.

4. 1929

   ஆலிவுடில், முதலாவது அகாதமி விருது வழங்கும் நிகழ்வு இடம்பெற்றது.

5. 1932

   பம்பாயில் இந்துக்களுக்கும் முசுலிம்களுக்கும் இடையே இடம்பெற்ற கலவரத்தில் ஆயிரக்கணக்கானோர் கொல்லப்பட்டனர்.

6. 1943

   பெரும் இன அழிப்பு: போலந்து, வார்சாவா வதைமுகாம் கிளர்ச்சி முடிவுக்கு வந்தது.

7. 1960

   கலிபோர்னியாவில் இயூசு ஆய்வுகூடத்தில் தியோடோர் மைமான் முதலாவது லேசர் ஒளிக்கதிரை இயக்கினார்.

8. 1966

   சீனாவில் கலாச்சாரப் புரட்சியின் ஆரம்பத்தை சீனப் பொதுவுடமைக் கட்சி அறிவித்தது.

9. 1969

   சோவியத்தின் வெனேரா 5 விண்ணுளவி வெள்ளிக் கோளில் இறங்கியது.

10. 1974

    சோசப்பு பிரோசு டிட்டோ யுகோசுலாவியாவின் அரசுத்தலைவராகத் தேர்ந்தெடுக்கப்பட்டார்.

11. 1975

    பொது வாக்கெடுப்பின் அடிப்படையில் சிக்கிம் இந்தியாவின் ஒரு மாநிலமாக இணைக்கப்பட்டது.

12. 1975

    ஜூன்கோ டபெய், எவரெஸ்ட் சிகரத்தை அடைந்த முதற் பெண் ஆனார்.

13. 1985

    தம்பிலுவில் படுகொலைகள்: இலங்கையின் தம்பிலுவில் கிராமத்தில் அடுத்த மூன்று நாட்களில் 63 வரையான தமிழ் இளைஞர்கள் சிறப்பு அதிரடிப் படையினரால் கொல்லப்பட்டனர்.

14. 1991

    ஐக்கிய இராச்சியத்தின் இரண்டாம் எலிசபெத் மகாராணி அமெரிக்க சட்டமன்றத்தில் உரையாற்றிய முதலாவது பிரித்தானிய ஆட்சியாளர் என்ற பெருமையைப் பெற்றார்.

15. 1992

    எண்டெவர் விண்ணோடம் தனது முதலாவது பயணத்தை முடித்து பூமிக்குத் திரும்பியது.

16. 1997

    சயீரின் அரசுத்தலைவர் மொபுட்டு செசெ செக்கோ நாட்டை விட்டு வெளியேறினார்.

21ஆம் நூற்றாண்டு

1. 2003

   மொரோக்கோவில் காசாபிளாங்காவில் தீவிரவாதிகள் நடத்திய தாக்குதலில் 33 பொதுமக்கள் கொல்லப்பட்டனர்.

2. 2004

   30களில் கம்யூனிஸ்டுகளினால் படுகொலை செய்யப்பட்ட ஒரு இலட்சத்திற்கும் அதிகமான மக்களை நினைவுகூர உக்ரேனின் தலைநகர் கீவுக்கு அருகில் உள்ள பிக்கீவ்னியாக் காட்டில் பல்லாயிரக்கணக்கானோர் கூடினர்.

3. 2005

   குவைத் பெண்களுக்கான வாக்குரிமையை வழங்கியது.

4. 2006

   தமிழ்நாட்டில் அனைத்து சாதியினரும் கோயில்களில் அர்ச்சகராகத் தகுதி உடையவராக அறிவிக்க மு. கருணாநிதி தலைமையிலான தமிழக அமைச்சரவையில் முடிவெடுக்கப்பட்டது.

5. 2006

   நியூசிலாந்திற்கருகில் 7.4 ரிக்டர் அளவு நிலநடுக்கம் ஏற்பட்டது.

• இ இலியா மெச்னிகோவ் 1845 நோபல் பரிசு பெற்ற உக்ரைனிய-பிரான்சிய உயிரியலாளர் (இ. 1916)
• ஏ ஏர்னெஸ்ட்டு பர்கெசு 1886 அமெரிக்க சமூகவியலாளர் (இ. 1966)
• ம மதுரை வைத்தியநாத ஐயர் 1890 இந்திய விடுதலைப் போராட்ட வீரர் (இ. 1955)
• எ எஸ். ஆர். கனகநாயகம் 1904 இலங்கை அரசியல்வாதி, வழக்கறிஞர் பி. 1989)
• ஹ ஹென்றி ஃபோன்டா 1905 அமெரிக்க நடிகர் (இ. 1982)
• ந நான்சி கிரேசு உரோமன் 1925 அமெரிக்க வானியலாளர் (இ. 2018)
• க கே. நட்வர் சிங் 1929 இந்திய அரசியல்வாதி (இ. 2024)
• வ வீ. செல்வராஜ் 1935 மலேசியத் தமிழ் எழுத்தாளர் (இ. 2000)
• ய யொஹான்னஸ் ஜியார்க் பெட்நோர்ட்ஸ் 1950 யிகான்னசு பெட்நோர்ட்சு, நோபல் பரிசு பெற்ற செருமானிய இயற்பியலாளர்
• ப பியர்ஸ் புரோஸ்னன் 1953 அயர்லாந்து-அமெரிக்க நடிகர்
• க கபிலன் (கவிஞர்) 1977 கபிலன், தமிழ்த் திரைப்பட பாடலாசிரியர்
• ச சாயா சிங் 1981 தென்னிந்தியத் திரைப்பட நடிகர்

• வ வில்லியம் ஆடம்சு (மாலுமி) 1620 வில்லியம் ஆடம்சு ஆங்கிலேய கடற்படை அதிகாரி (பி. 1564)
• ஜ ஜோசப் ஃபூரியே 1830 பிரான்சியக் கணிதவியலாளர், இயற்பியலாளர் (பி. 1768)
• அ அரிசுடார்க் பெலோபோல்சுகி 1934 உருசிய வானியலாளர் (பி. 1854)
• ப பிரெடரிக் கௌலாண்ட் ஆப்கின்சு 1947 நோபல் பரிசு பெற்ற ஆங்கிலேய உயிரியலாளர் (பி. 1861)
• ம முகமது ஹபிபுல்லா 1948 இந்திய அரசியல்வாதி, ஆட்சியாளர் (பி. 1869)
• க கமலா மார்க்கண்டேய 2004 இந்திய ஆங்கில எழுத்தாளர் (பி. 1924)
• க கு. கலியபெருமாள் 2007 தமிழக சமூக, விடுதலைப் போராட்ட செயற்பாட்டாளர் (பி. 1924)
• அ அனுராதா ரமணன் 2010 தமிழக எழுத்தாளர் (பி. 1947)
• ஹ ஹைன்றிக் ரோரர் 2013 நோபல் பரிசு பெற்ற சுவிட்சர்லாந்து இயற்பியலாளர் (பி. 1933)
• அ அமலெந்து டே 2014 இந்திய-வங்காள வரலாற்றாசிரியர் (பி. 1929)