வரலாற்றில் மே 2

16ஆம் நூற்றாண்டு

1. 1536

   இங்கிலாந்தின் அரசி ஆன் பொலின், முறைபிறழ்புணர்ச்சி, தகாப் பாலுறவு, மாந்திரீகம், தேசத்துரோகம் போன்ற குற்றச்சாட்டுகளுக்காகக் கைது செய்யப்பட்டார்.

2. 1568

   லொக் லெவென் அரண்மனையில் சிறை வைக்கப்பட்டிருந்த ஸ்கொட்லாந்து அரசி முதலாம் மேரி அங்கிருந்து தப்பி வெளியேறினார்.

17ஆம் நூற்றாண்டு

1. 1611

   இங்கிலாந்தின் முதலாம் ஜேம்சு மன்னரின் ஆதரவில் விவிலியம் இங்கிலாந்து திருச்சபைக்காக மொழிபெயர்க்கப்பட்டு இலண்டனில் வெளியிடப்பட்டது.

2. 1670

   இங்கிலாந்தின் இரண்டாம் சார்லசு மன்னர் வட அமெரிக்காவில் மென்மயிர் வணிகத்துக்கான உரிமையை அட்சன் விரிகுடா கம்பனிக்குத் தந்தார்.

19ஆம் நூற்றாண்டு

1. 1808

   மத்ரித் மக்கள் பிரான்சிய ஆக்கிரமிப்பாளருக்கெதிராக கிளர்ச்சியில் ஈடுபட்டனர்.

2. 1814

   முதலாவது மெதடிஸ்த ஆயர் தோமசு கோக் மதப்பரப்புனராக கப்பலில் இங்கிலாந்தில் இருந்து இலங்கை வரும் வழியில் காலமானார்.

3. 1851

   கொழும்பு நகரைச் சுற்றிய பகுதிகளில் பலத்த காற்று வீசியதில் பெரும் சேதம் ஏற்பட்டது.

4. 1889

   எத்தியோப்பியாவின் அரசர் இரண்டாம் மெனெலிக் இத்தாலியுடன் செய்துகொண்ட அமைதி உடன்படிக்கையின் படி எரித்திரியாவின் முழுப் பகுதியும் இத்தாலிக்குத் தரப்பட்டது.

20ஆம் நூற்றாண்டு

1. 1906

   இடைச்செருகிய ஒலிம்பிக் விளையாட்டுகளின் இறுதி நிகழ்வுகள் ஏதென்சில் இடம்பெற்றது.

2. 1933

   இட்லர் தொழிற்சங்கங்களை தடை செய்தார்.

3. 1941

   இவ்வாண்டின் ஆரம்பந்தில் இடம்பெற்ற ஈராக்குக்கு எதிரான இராணுவப் புரட்சியை அடுத்து பதவியை இழந்த இளவரசர் அப்துல்லாவை மீண்டும் பதவியில் இருத்த ஐக்கிய இராச்சியம் ஆங்கிலேய-ஈராக்கியப் போரை ஆரம்பித்தது.

4. 1945

   இரண்டாம் உலகப் போர்: பெர்லினைத் தாம் கைப்பற்றியதாக சோவியத் ஒன்றியம் அறிவித்தது. செருமனியப் படை இத்தாலியில் சரணடைந்தன.

5. 1945

   இரண்டாம் உலகப் போர்: அமெரிக்காவின் வான்படையினர் செருமனியில் வோபெலின் வதைமுகாமை விடுவித்தனர். இங்கு 1,000 கைதிகள் இறந்து காணப்பட்டனர்.

6. 1945

   இரண்டாம் உலகப் போர்: டேச்சு கைதிகள் முகாமில் இருந்து ஆஸ்திரியா நோக்கிச் சென்று கொண்டிருந்த கைதிகளை பவேரியாவில் வழிமறித்த அமெரிக்க இராணுவம் நூற்றுக்கணக்கான கைதிகளை விடுவித்தது.

7. 1946

   இலங்கை, கேகாலையில் நேவ்சுமயர் தோட்டத்தில் இந்தியத் தமிழர் குடியிருந்த 400 ஏக்கர் காணிகள் அவர்களிடம் இருந்து பறிக்கப்பட்டன.

8. 1952

   உலகின் முதலாவது ஜெட் விமானம், டி ஹாவிலண்ட் கொமெட் 1, தனது முதல் பறப்பை லண்டனில் ஜொகான்னஸ்பேர்க் நகருக்கு மேற்கொண்டது.

9. 1964

   வியட்நாம் போர்: சாய்கோன் நகரில் அமெரிக்கக் கப்பல் ஒன்று குண்டுவெடிப்பில் மூழ்கியது.

10. 1964

    8,027 மீட்டர் உயர சிசாபங்மா மலையின் உச்சியை சீனாவின் இரு மலையேறிகள் எட்டினர்.

11. 1972

    அமெரிக்காவின் ஐடஹோ மாநிலத்தில் நிலத்தடி சுரங்கம் ஒன்றில் இடம்பெற்ற தீ விபத்தில் 91 தொழிலாளர்கள் உயிரிழந்தனர்.

12. 1982

    போக்லாந்து போர்: பிரித்தானியாவின் கொன்கரர் என்ற அணுக்கரு ஆற்றல் மூலம் இயங்கும் நீர்முழ்கி கப்பல் அர்கெந்தீனாவின் போர்க்கப்பலைத் தாக்கி மூழ்கடித்தது.

13. 1986

    செர்னோபில் அணு உலை விபத்து நடந்த ஆறு நாட்களின் பின்னர் அங்கிருந்து மக்கள் வெளியேற்றப்பட்டனர்.

14. 1989

    பனிப்போர்: ஆஸ்திரியாவுடனான எல்லையை அங்கேரி திறந்து விட்டதில் பெருந்தொகையான கிழக்கு செருமனி மக்கள் அங்கிருந்து வெளியேறினர்.

15. 1994

    போலந்து, கதான்ஸ்க் நகரில் பேருந்து ஒன்று விபத்துக்குள்ளாகியதில் 32 பேர் உயிரிழந்தனர்.

16. 1998

    ஐரோப்பிய நடுவண் வங்கி பிரசெல்சு நகரில் ஆரம்பிக்கப்பட்டது.

21ஆம் நூற்றாண்டு

1. 2002

   கேரளாவில் பாலக்காடு நகரில் இடம்பெற்ற கலவரங்களில் 8 இந்துக்கள் கொல்லப்பட்டனர்.

2. 2004

   நைஜீரியாவில் 630 முஸ்லிம்கள் கிறித்தவர்களால் கொல்லப்பட்டனர்.

3. 2006

   குஜராத் மாவட்டத்தில் மசூதி ஒன்று இடிக்கப்பட்டதை அடுத்து இடம்பெற்ற கலகத்தில் 5 பேர் கொல்லப்பட்டனர்.

4. 2008

   சூறாவளி நர்கீஸ் மியன்மாரில் தரை தட்டியதில் 138,000 பேர் உயிரிழந்தனர்.

5. 2011

   செப்டம்பர் 11 தாக்குதல்களுக்குக் காரணமானவரும், சிஐஏ இனால் தேடப்பட்டு வந்தவருமான உசாமா பின் லாதின் பாக்கித்தானில் ஆப்டாபாத் நகரில் அமெரிக்க சிறப்புப் படையினரால் கொல்லப்பட்டார்.

6. 2011

   ஈ.கோலை தொற்றுநோய் ஐரோப்பாவை, முக்கியமாக செருமனியைத் தாக்கியதில் 30 பேர் வரை உயிரிழந்தனர்.

7. 2012

   நோர்வே ஓவியர் எட்வர்ட் மண்ச் வரைந்த அலறல் என்ற ஓவியம் நியூயார்க்கில் இடம்பெற்ற ஏலத்தில் $120 மில்லியன்களுக்கு விற்கப்பட்டது.

8. 2014

   ஆப்கானித்தான் பாதக்சான் நகரில் இடம்பெற்ற மண்சரிவுகளில் சிக்கி 2,500 பேர் காணாமல் போயினர்.

9. 2018

   பாஸ்கு விடுதலைக்கான தீவிரவாத அமைப்பு எட்டா முழுமையாகக் கலைந்தது.

• உ உருசியாவின் இரண்டாம் கத்தரீன் 1729 (இ. 1796)
• க கத்தரீன் லபோரே 1806 பிரான்சிய அருட்சகோதரி, புனிதர் (இ. 1876)
• எ எலைஜா மெக்காய் 1844 கனடிய-அமெரிக்கக் கண்டுபிடிப்பாளர், பொறியியலாளர் (இ. 1929)
• ச செரோம் கே. செரோம் 1859 ஆங்கிலேய எழுத்தாளர் (இ. 1927)
• த தியோடோர் எர்ட்செல் 1860 ஆத்திரிய-அங்கேரிய சீயோனிய மெய்யியலாளர் (இ. 1904)
• அ அலெக்சாண்டர் கெரென்சுகி 1881 உருசியாவின் 10வது பிரதமர் (இ. 1970)
• ச சத்யஜித் ராய் 1921 இந்திய இயக்குநர், தயாரிப்பாளர் (இ. 1992)
• ந ந. சஞ்சீவி 1927 தமிழகத் தமிழறிஞர், எழுத்தாளர் (இ. 1988)
• க கு. சின்னப்ப பாரதி 1935 தமிழக புதின எழுத்தாளர், அரசியல்வாதி
• க கே. என். கோவிந்தாச்சார்யா 1943 இந்திய அரசியல்வாதி, சமூக செயற்பாட்டாளர்
• க கிரீஷ் பரத்துவாஜ் 1950 இந்தியச் சமூக செயற்பாட்டாளர், பொறியாளர் (இ. 2026)
• ப பிறயன் லாறா 1969 திரினிதாது துடுப்பாளர்
• ட டுவெயின் ஜான்சன் 1972 அமெரிக்க-கனடிய மற்போர் வீரர், நடிகர்
• ட டேவிட் பெக்காம் 1975 ஆங்கிலேயக் காற்பந்து வீரர்
• இ இசைப்பிரியா 1982 தமிழீழ ஊடகவியலாளர் (இ. 2009)
• ப பொத்துவில் அஸ்மின் 1983 இலங்கைக் கவிஞர், தமிழ்த் திரைப்பட, மெல்லிசைப் பாடலாசிரியர்
• ச சார்லட், கேம்பிரிட்ச் இளவரசி 2015 ஐக்கிய இராச்சியத்தின் 4வது முடிக்குரியவர்

• அ அலெக்சாந்திரியா நகர அத்தனாசியார் 373 எகிப்திய ஆயர், புனிதர் (பி. 298)
• ல லியொனார்டோ டா வின்சி 1519 இத்தாலிய ஓவியர், சிற்பி, கட்டிடக்கலைஞர் (பி. 1452)
• த தோமசு கோக் 1814 முதலாவது மெதடிச ஆயர் (பி. 1747)
• க கிளாரா இம்மெர்வார் 1915 செருமானிய வேதியியலாளர் (பி. 1870)
• க கியூலியோ நட்டா 1979 நோபல் பரிசு பெற்ற இத்தாலிய வேதியியலாளர் (பி. 1903)
• ப பாவ்லோ பிரையர் 1997 பிரேசில் மெய்யியலாளர் (பி. 1921)
• த தேவிகா 2002 தென்னிந்தியத் திரைப்பட நடிகை (பி. 1943)
• வ வீ கிம் வீ 2005 சிங்கப்பூரின் 4வது குடியரசுத் தலைவர் (பி. 1915)
• க கே. பாலாஜி 2009 தமிழ்த் திரைப்பட நடிகர், தயாரிப்பாளர்
• உ உசாமா பின் லாதின் 2011 அல் காயிதா அமைப்பைத் தோற்றுவித்த சவூதி அரேபியர் (பி. 1957)