வரலாற்றில் ஏப்பிரல் 30

4ஆம் நூற்றாண்டு

1. 313

   உரோமைப் பேரரசின் மன்னன் லிசீனியஸ் அனைத்து கிழக்கு உரோமைப் பேரரசையும் ஒன்றாக்கி தனது கட்டுப்பாட்டுக்குள் கொண்டு வந்தான்.

11ஆம் நூற்றாண்டு

1. 1006

   மிகவும் ஒளி கூடிய சுப்பர்நோவா எஸ்.என் 1006 லூப்பஸ் என்ற விண்மீன் கூட்டத்தில் அவதானிக்கப்பட்டது.

15ஆம் நூற்றாண்டு

1. 1483

   இந்த நாளில் புளூட்டோ நெப்டியூனின் சுற்றுவட்டத்துள் வந்தது. இது 1503 சூலை 23 வரை இங்கு இருந்தது.

2. 1492

   எசுப்பானியா கிறித்தோபர் கொலம்பசுக்கு நாடுகளைக் கண்டுபிடிப்பதற்கான தனது ஆணையை வழங்கியது.

16ஆம் நூற்றாண்டு

1. 1513

   ஆங்கிலேய முடியாட்சிக்குப் போட்டியிட்ட சஃபோல்க் இளவரசர் எட்மண்ட் டெ லா போல் எட்டாம் என்றியின் ஆணைப்படி தூக்கிலிடப்பட்டார்.

17ஆம் நூற்றாண்டு

1. 1636

   எண்பதாண்டுப் போர்: இடச்சுக் குடியரசுப் படைகள் எசுப்பானியாவின் கேந்திர முக்கியத்துவம் வாய்ந்த கோட்டையை ஒன்பது மாத முற்றுகையின் பின்னர் கைப்பற்றினர்.

18ஆம் நூற்றாண்டு

1. 1789

   நியூயோர்க்கின் வால் ஸ்ட்ரீட், பெடரல் மாளிகையின் மேன்மாடத்தில் இருந்து சியார்ச் வாசிங்டன் அமெரிக்காவின் 1வது குடியரசுத் தலைவராகப் பதவிப் பிரமாணம் எடுத்துக் கொண்டார்.

19ஆம் நூற்றாண்டு

1. 1803

   லூசியானா வாங்கல்: ஐக்கிய அமெரிக்கா லூசியானா மாநிலத்தை பிரான்சிடம் இருந்து 15 மில்லியன் அமெரிக்க டாலருக்கு வாங்கியது.

2. 1812

   லூசியானா அமெரிக்காவின் 18வது மாநிலமாக இணைந்தது.

3. 1838

   நிக்கராகுவா மத்திய அமெரிக்கக் கூட்டமைப்பில் இருந்து விடுதலையை அறிவித்தது.

4. 1870

   இலங்கை, புறக்கோட்டையில் முசுலிம்களின் கலவரம் இடம்பெற்றது.

5. 1897

   ஜெ. ஜெ. தாம்சன் அணுவடித்துகளாக இலத்திரனைக் கண்டுபிடித்ததாக இலண்டனில் அறிவித்தார்.

6. 1900

   அவாய் ஐக்கிய அமெரிக்காவின் ஒரு பகுதியானது.

20ஆம் நூற்றாண்டு

1. 1937

   பிலிப்பீன்சு பொதுநலவாயம் பெண்களுக்கு வாக்குரிமை வழங்குவது குறித்து கருத்துக்கணிப்பு நடத்தியது. 90 விழுக்காட்டினர் ஆதரவாக வாக்களித்தனர்.

2. 1945

   இரண்டாம் உலகப் போர்: இட்லர் தனது மனைவி இவாவுடன் பியூரர் பதுங்கு அறையில் தற்கொலை செய்து கொண்டார். சோவியத் படைகள் பெர்லினில் செருமனிய நாடாளுமன்றில் செங்கொடியை ஏற்றினர்.

3. 1945

   இரண்டாம் உலகப் போர்: செருமனியின் பார்த் நகரில் போர்க்கைதிகள் முகாமில் இருந்து 9000 அமெரிக்க-பிரித்தானியப் படையினரை சோவியத் செம்படை விடுவித்தது.

4. 1948

   கொலம்பியாவின் பொகோட்டா நகரில் அமெரிக்க நாடுகள் அமைப்பு உருவானது.

5. 1955

   இந்திய இம்பீரியல் வங்கியின் பெயர் பாரத ஸ்டேட் வங்கி என மாற்றம் செய்யப்பட்டது.

6. 1961

   கே-19 என்ற முதலாவது சோவியத் அணுக்கரு ஆற்றல் மூலம் இயங்கும் நீர்முழ்கிக் கப்பல் சேவைக்கு விடப்பட்டது.

7. 1975

   வியட்நாம் போர்: கம்யூனிசப் படைகள் சாய்கோன் நகரைக் கைப்பற்றினர். தென் வியட்நாமியப் படைகள் நிபந்தனையின்றி சரணடைந்ததில் வியட்நாம் போர் முடிவுக்கு வந்தது.

8. 1980

   யூலியானா முடிதுறந்ததை அடுத்து பீட்ரிக்சு நெதர்லாந்தின் அரசியாக முடிசூடினார்.

9. 1980

   இலண்டனில் ஈரானியத் தூதரகத்தை முற்றுகையிட்ட தெற்கு ஈரானியப் போராளிகள் அங்கிருந்த பலரை பனயக் கைதிகளாகப் பிடித்தனர்.

10. 1982

    திருச்சியில் பாரதிதாசன் பல்கலைக்கழகம் அமைக்கப்பட்டது.

11. 1982

    இந்தியாவின் மேற்கு வங்கத்தில் ஆனந்த மார்க்கம் என்ற அமைப்பைச் சேர்ந்த 17 துறவிகள் படுகொலை செய்யப்பட்டனர்.

12. 1991

    யாழ்ப்பாணம் நீராவியடியில் நிகழ்ந்த வெடி விபத்தில் 12 விடுதலைப் புலிகள் கொல்லப்பட்டனர்.

13. 1993

    உலகளாவிய வலையின் நெறிமுறைகள் கட்டற்றதாக இருக்கும் என ஐரோப்பிய அணு ஆராய்ச்சி நிறுவனம் அறிவித்தது.

14. 1999

    ஆசியான் அமைப்பில் கம்போடியா இணைந்து கொண்டது.

21ஆம் நூற்றாண்டு

1. 2006

   ஆப்கானித்தானில் தலிபான்களால் கடத்தப்பட்ட சூரியநாராயணா என்ற இந்தியப் பொறியியலாளர் கழுத்து வெட்டிக் கொலை செய்யப்பட்டார்.

2. 2008

   உருசியாவின் கடைசிப் பேரரசர் இரண்டாம் நிக்கொலாசின் பிள்ளைகளான இளவரசர் அலெக்சி, இளவரசி அனஸ்தாசியா ஆகியோரின் உடல் எச்சங்கள் உருசியாவின் எக்கத்தரீன்பூர்க் நகரில் கண்டுபிடிக்கப்பட்டன.

3. 2009

   நெதர்லாந்தில் அரசி பீட்ரிக்சு மீது கொலை முயற்சி மேற்கொள்ளப்பட்டதில், ஏழு பொதுமக்கள் கொல்லப்பட்டனர், 10 பேர் காயமடைந்தனர்.

4. 2012

   இந்தியாவில் பிரம்மபுத்ரா ஆற்றில் பயணிகள் படகொன்று கவிழ்ந்ததில் 103 பேர் உயிரிழந்தனர்.

5. 2013

   நெதர்லாந்தில் பீட்ரிக்சு முடிதுறந்ததை அடுத்து, வில்லியம்-அலெக்சாந்தர் மன்னராக முடிசூடினார்.

• இ இங்கிலாந்தின் இரண்டாம் மேரி 1662 (இ. 1694)
• க கார்ல் ஃப்ரெடெரிக் காஸ் 1777 செருமானியக் கணிதவியலாளர், இயற்பியலாளர் (இ. 1855)
• த தாதாசாகெப் பால்கே 1870 இந்திய இயக்குநர், தயாரிப்பாளர் (இ. 1944)
• த தியாடர் சுலட்ஸ் 1902 நோபல் பரிசு பெற்ற அமெரிக்கப் பொருளியலாளர் (இ. 1998)
• ஜ ஜூலியானா (நெதர்லாந்து) 1909 யூலியானா, நெதர்லாந்து அரசி (இ. 2004)
• க கிளாடு சேனன் 1916 அமெரிக்கக் கணிதவியலாளர், பொறியியலாளர் (இ. 2001)
• க கெர்டா லெர்னர் 1920 ஆத்திரிய யூத-அமெரிக்க வரலாற்றாளர், எழுத்தாளர் (இ. 2013)
• க கந்தையா குணரத்தினம் 1934 இலங்கை இயற்பியலாளர், கல்வியாளர் (இ. 2015)
• ஜ ஜக்தேவ் சிங் ஜசோவால் 1935 பஞ்சாப் எழுத்தாளர், இலக்கியவாதி (இ. 2014)
• க காத்தாடி ராமமூர்த்தி 1938 நாடக, திரைப்பட நடிகர், இயக்குநர், எழுத்தாளர்
• ப பிரெடிரிக் சிலுபா 1943 சாம்பியாவின் 2வது அரசுத்தலைவர் (இ. 2011)
• ம மாலினி பொன்சேகா 1947 இலங்கை நடிகை, அரசியல்வாதி (இ. 2025)
• அ அந்தோனியோ குத்தேரசு 1949 போர்த்துகலின் 114வது பிரதமர்
• இ இசுட்டீவன் கார்ப்பர் 1959 கனடாவின் 22வது பிரதமர்
• ட டோனி பெர்னாண்டஸ் 1964 மலேசிய-இந்தியத் தொழிலதிபர்
• ஹ ஹரிணி 1979 தென்னிந்தியத் திரைப்பட பின்னணிப் பாடகி
• க குணால் நாயர் 1981 பிரித்தானிய-இந்திய நடிகர்

• க கசினியின் மகுமூது 1030 (பி. 971)
• ஜ ஜேம்சு புரூசு 1735 உருசிய அரசியலாளர், படைத்துறைத் தலைவர் (பி. 1669)
• எ எடுவார்ட் மனே 1883 பிரான்சிய ஓவியர் (பி. 1832)
• இ இட்லர் 1945 செருமனியின் அரசுத்தலைவர் (பி. 1889)
• இ இவா பிரான் 1945 அடால்ப் இட்லரின் மனைவி
• க கா. சு. பிள்ளை 1945 தமிழகத் தமிழறிஞர், சைவசித்தாந்த, சட்ட அறிஞர், உரையாசிரியர் (பி. 1888)
• ல லோங் அடிகள் 1961 யாழ்ப்பாணத்தில் பணி புரிந்த அயர்லாந்து மதகுரு (பி. 1896)
• ச சிதம்பர பாரதி 1987 தமிழக அரசியல்வாதி (பி. 1905)
• ச செர்சோ லியோனி 1989 இத்தாலிய இயக்குநர், தயாரிப்பாளர் (பி. 1929)
• ந நாமகிரிப்பேட்டை கிருஷ்ணன் 2001 தமிழக நாதசுவரக் கலைஞர் (பி. 1924)
• த தோர்ச்யீ காண்டு 2011 அருணாச்சலப் பிரதேசத்தின் 6வது முதலமைச்சர் (பி. 1955)