வரலாற்றில் அக்டோபர் 3

கிமு (பொ.ஊ.மு)

1. கிமு 52

   கவுல்சு தலைவர் வெர்சிஞ்செடோர்க்சு உரோமர்களிடம் சரணடைந்தார். யூலியசு சீசரின் அலேசியா மீதான முற்றுகை முடிவுக்கு வந்தது.

2. கிமு 42

   மார்க் அந்தோனியும், ஒக்டேவியனும் சீசரின் கொலையாளிகளான புரூட்டசு, கேசியசு ஆகியோருடன் பெரும் போரில் ஈடுபட்டனர்.

4ஆம் நூற்றாண்டு

1. 382

   உரோமைப் பேரரசர் முதலாம் தியோடோசியஸ் கோத்துகளுடன் அமைதி உடன்பாட்டுக்கு வந்து, அவர்களை பால்கன்களில் குடியேற்றினார்.

14ஆம் நூற்றாண்டு

1. 1392

   ஏழாம் முகம்மது கிரனாதாவின் 12-வது சுல்தானாக முடி சூடினார்.

18ஆம் நூற்றாண்டு

1. 1739

   உருசிய-துருக்கிப் போர் (1736–1739) முடிவில் உருசியாவுக்கும் உதுமானியப் பேரரசுக்கும் இடையில் அமைதி ஒப்பந்தம் ஏற்பட்டது.

2. 1789

   சியார்ச் வாசிங்டன் அந்த ஆண்டின் நன்றியறிதல் நாளை அறிவித்தார்.

19ஆம் நூற்றாண்டு

1. 1833

   இலங்கையில் மாவட்ட நீதிமன்றங்கள் ஆரம்பிக்கப்பட்டன.

2. 1863

   நவம்பர் மாதத்தின் கடைசி வியாழக்கிழமையை நன்றியறிதல் நாளாக அமெரிக்க அரசுத்தலைவர் ஆபிரகாம் லிங்கன் அறிவித்தார்.

20ஆம் நூற்றாண்டு

1. 1908

   பிராவ்தா செய்திப்பத்திரிகை லியோன் திரொட்ஸ்கியினாலும் அவரது சகாக்களினாலும் வியென்னாவில் வெளியிடப்பட்டது.

2. 1912

   அமெரிக்கப் படைகள் நிக்கராகுவாவின் கிளர்ச்சியாளர்களை வென்றன.

3. 1918

   மூன்றாம் போரிசு பல்கேரியாவின் மன்னனாக முடிசூடினான்.

4. 1929

   செர்பிய, குரோவாசிய, சுலோவீனிய இராச்சியம் இணைக்கப்பட்டு அதற்கு யுகோசுலாவியா எனப் பெயரிடப்பட்டது.

5. 1932

   ஈராக், பிரித்தானியாவிடம் இருந்து விடுதலை பெற்றது.

6. 1935

   இத்தாலி எதியோப்பியாவினுள் ஊடுருவியது. இரண்டாவது இத்தாலிய-அபிசீனியப் போர் ஆரம்பமானது.

7. 1942

   செருமனியில் இருந்து ஏ4-ஏவுகணை வெற்றிகரமாக ஏவப்பட்டது. இது 85 கி.மீ. உயரத்துக்கு சென்றது.

8. 1943

   இரண்டாம் உலகப் போர்: செருமனியப் படைகள் கிரேக்கத்தில் லிஞ்சியாதெசு கிராமத்தில் 92 பொதுமக்களைக் கொன்றனர்.

9. 1952

   ஐக்கிய இராச்சியம் வெற்றிகரமாக அணுவாயுதச் சோதனையை நடத்தியது.

10. 1962

    சிக்மா 7 விண்கலம் வெற்றிகரமாக ஏவப்பட்டது. வொல்லி சீரா ஒன்பது மணி நேரத்தில் ஆறு தடவைகள் பூமியைச் சுற்றினார்.

11. 1963

    ஒண்டுராசில் இடம்பெற்ற இராணுவப் புரட்சியை அடுத்து அங்கு இராணுவ ஆட்சி ஆரம்பமானது.

12. 1978

    பின்லாந்தில் வான்படை வானூர்தி விபத்துக்குள்ளானதில் அதைல் பயணம் செய்த அனைத்து 15 பேரும் உயிரிழந்தனர்.

13. 1981

    வட அயர்லாந்து, பெல்பாஸ்ட் நகரில் ஐரியக் குடியரசு இராணுவக் கைதிகளின் ஏழு மாத உண்ணாநோன்பு முடிவுக்கு வந்தது. 10 பேர் இறந்தனர்.

14. 1985

    அட்லாண்டிஸ் விண்ணோடம் தனது முதலாவது விண்வெளிப் பயணத்தை ஆரம்பித்தது.

15. 1986

    டாஸ்க் என்ற மீக்கடத்து சுழற்சியலைவி கனடாவில் சாக் ரிவர் ஆய்வுகூடத்தில் ஆரம்பிக்கப்பட்டது.

16. 1989

    பனாமாவில் இடம்பெற்ற இராணுவப் புரட்சி முறியடிக்கப்பட்டு, புரட்சியில் ஈடுபட்ட 11 பேர் தூக்கிலிடப்பட்டனர்.

17. 1990

    செருமானிய மீளிணைவு: செருமானிய சனநாயகக் குடியரசு முடிவுக்கு வந்தது. கிழக்கும் மேற்கும் செருமனி என்ற பெயரில் இணைந்தன.

18. 1993

    சோமாலியாவின் இராணுவத் தலைவர் முகம்மது பரா ஐடிடு என்பவனின் தலைமையிலான ஆயுதக் குழுவினரைப் பிடிக்க எடுத்த முயற்சியில் 18 அமெரிக்கப் போர்வீரர்களும் 1,000 சோமாலிகளும் கொல்லப்பட்டனர்.

21ஆம் நூற்றாண்டு

1. 2001

   வங்காளதேசத்தின் நாடாளுமன்றத் தேர்தலில் காலிதா சியாவின் வங்காளதேசக் தேசியக் கட்சி வெற்றி பெற்றது.

2. 2007

   மன்னார் மாவட்டம், விளாத்திக்குளம், முள்ளிக்குளம் பகுதிகளில் முன்னெடுக்கப்பட்ட இலங்கை இராணுவத் தாக்குதல் தமிழீழ விடுதலைப் புலிகளால் முறியடிக்கப்பட்டது.

3. 2010

   2010 பொதுநலவாய விளையாட்டுக்கள் தில்லி நகரில் ஆரம்பமாயின.

4. 2013

   இத்தாலியின் லம்பெதூசா தீவில் ஆப்பிரிக்கக் குடியேறிகளை ஏற்றி வந்த படகு மூழ்கியதில் 134 பேர் உயிரிழந்தனர்.

5. 2015

   ஆப்கானித்தானில் குண்டூசு மருத்துவமனை மீது வான் தாக்குதலில் 42 பேர் கொல்லப்பட்டனர்.

• ப பிளத்தோன் செர்கேயெவிச் போரெத்சுகி 1846 பிளத்தோன் போரெத்சுகி, உருசிய வானியலாளர், கணிதவியலாளர் (இ. 1907)
• த திமித்ரி துபியாகோ 1849 உருசிய வானியலாளர் (இ. 1818)
• எ எர்மேன் சுத்ரூவ 1854 உருசிய வானியலாளர் (இ. 1920)
• ப பீட்டர் கெனமன் 1917 இலங்கை இடதுசாரி அரசியல்வாதி (இ. 1997)
• ஜ ஜேம்ஸ் எம். புக்கானன் 1919 நோபல் பரிசு பெற்ற அமெரிக்கப் பொறியியலாளர் (இ. 2013)
• ம மார்வின் டி. கிரார்டோ 1930 அமெரிக்க இயற்பியலாளர் (இ. 2015)
• வ வி. பி. இராமன் 1932 தமிழக அரசியல்வாதி (இ. 1991)
• ம முரு. சொ. நாச்சியப்பன் 1940 மலேசிய எழுத்தாளர்
• க குருசரண் தாஸ் 1943 இந்திய எழுத்தாளர்
• ச சேடபட்டி இரா. முத்தையா 1945 தமிழக அரசியல்வாதி
• ச சத்யராஜ் 1954 தமிழ்த் திரைப்பட நடிகர்
• இ இராபர்ட்டோ செவெதோ 1957 உலக வணிக அமைப்பின் 6வது தலைவர்
• அ அரோள் கரோலி 1985 இந்திய இசையமைப்பாளர்
• அ அலிசியா விகண்டேர் 1988 சுவீடிய நடிகை

• அ அசிசியின் பிரான்சிசு 1226 இத்தாலியப் புனிதர் (பி. 1181)
• எ எலியாஸ் ஓவே 1867 தையல் இயந்திரத்தைக் கண்டுபிடித்த அமெரிக்கர் (பி. 1819)
• வ வில்லியம் மோரிஸ் 1896 ஆங்கிலேயக் கவிஞர் (பி. 1834)
• க கடம்பினி கங்கூலி 1923 இந்திய மருத்துவர் (பி. 1861)
• ம மேக்சு வுல்ஃப் 1932 செருமானிய வானியலாளர் (பி. 1863)
• வ வேரா பெதரோவ்னா கசே 1954 உருசிய வானியலாளர் (பி. 1899)
• க கந்தையா கனகரத்தினம் 1962 இலங்கைத் தமிழ் அரசியல்வாதி (பி. 1892)
• ர ரோல்ப் மாக்சிமில்லன் சீவெர்ட் 1966 சுவீடிய இயற்பியலாளர் (பி. 1896)
• க க. வச்சிரவேல் முதலியார் 1989 சைவ சித்தாந்த அறிஞர் (பி. 1906)
• ம ம. பொ. சிவஞானம் 1995 தமிழக எழுத்தாளர், அரசியல்வாதி (பி. 1906)
• ம மாரி. அறவாழி 1999 தமிழக எழுத்தாளர் (பி. 1935)
• அ அக்கியோ மொறிட்டா 1999 சப்பானியத் தொழிலதிபர் (பி. 1921)
• எ எஸ். இராமச்சந்திரன் (ஓவியர்) 2009 எஸ். இராமச்சந்திரன், இலங்கையின் மலையக ஓவியர் (பி. 1942)
• ஆ ஆ. கந்தையா 2011 ஈழத்துத் தமிழறிஞர், பேராசிரியர் (பி. 1928)
• ஏ ஏ. ஆர். எம். அப்துல் காதர் 2015 இலங்கை அரசியல்வாதி (பி. 1936)
• ச சிங்கீதம் சீனிவாசராவ் 2026 தென்னிந்தியத் திரைப்பட இயக்குநர் (பி. 1931)
• ப பல்லே இராமராவ் 2026 இந்திய விஞ்ஞானி (பி. 1937)