வரலாற்றில் அக்டோபர் 19

கிமு (பொ.ஊ.மு)

1. கிமு 202

   சாமா நகரப் போரில், உரோமைப் படையினர் கார்த்திச் நகரக் காவலர்களின் தலைவர் அனிபாலை வென்றனர்.

13ஆம் நூற்றாண்டு

1. 1216

   இங்கிலாந்தின் ஜான் மன்னர் இறக்க, அவரது ஒன்பது வயது மகன் மூன்றாம் என்றி ஆட்சிக்கு வந்தான்.

15ஆம் நூற்றாண்டு

1. 1453

   பிரான்சியர்கள் பொர்தோ நகரைக் கைப்பற்றியதுடன் நூறாண்டுப் போர் முடிவுக்கு வந்தது.

2. 1469

   அரகொன் நாட்டு இளவரசன் இரண்டாம் பேர்டினண்டுக்கும் காஸ்டில் நாட்டின் இளவரசி முதலாம் இசபெல்லாவுக்கும் திருமணம் நடைபெற்றது. இந்நிகழ்வு பின்னர் 1516 இல் எசுப்பானியா நாடு ஒருங்கிணைக்கப்பட வழிகோலியது.

16ஆம் நூற்றாண்டு

1. 1596

   சான் பிலிப் என்ற எசுப்பானியக் கப்பல் சப்பான் கரையில் மூழ்கியது.

18ஆம் நூற்றாண்டு

1. 1781

   வர்ஜீனியா, யோர்க்டவுன் நகரில் பிரித்தானியத் தளபதி கார்ன்வாலிசு பிரபுவின் பிரதிநிதிகள் சியார்ச் வாசிங்டனிடம் சரணடைந்தனர்.

19ஆம் நூற்றாண்டு

1. 1805

   நெப்போலியப் போர்கள்: ஊல்ம் நகர சமரில் ஆஸ்திரியாவின் தளபதி மாக்கின் இராணுவம் நெப்போலியன் பொனபார்ட்டிடம் சரணடைந்தது. 30,000 கைதிகள் கைப்பற்றப்பட்டனர், 10,000 இறந்தனர்.

2. 1812

   பிரான்சின் நெப்போலியன் பொனபார்ட் மாஸ்கோவில் இருந்து பின்வாங்கினான்.

3. 1813

   செருமனியின் லைப்சிக் நகரில் நெப்போலியன் பொனபார்ட் பெரும் தோல்வியடைந்தான். ரைன் கூட்டமைப்பு முடிவுக்கு வந்தது.

4. 1864

   அமெரிக்க உள்நாட்டுப் போர்: கூட்டமைப்புப் படையினர் கனடாவில் இருந்து வேர்மொண்ட் மாநிலத்தின் சென் அல்பான்ஸ் நகரைத் தாக்கினர்.

5. 1866

   ஆஸ்திரியா வெனிட்டோ, மாந்துவா ஆகியவற்றை பிரான்சிடம் கையளித்தது. பிரான்சு உடனடியாகவே அவற்றை இத்தாலியிடம் கொடுத்தது.

6. 1900

   மேக்ஸ் பிளாங்க் கரும்பொருள் கதிரியல் விதியை (பிளாங்கின் விதி) கண்டுபிடித்தார்.

20ஆம் நூற்றாண்டு

1. 1912

   இத்தாலி திரிப்பொலி நகரை உதுமானியரிடம் இருந்து கைப்பற்றியது.

2. 1921

   லிஸ்பன் நகரில் இடம்பெற்ற இராணுவப் புரட்சியை அடுத்து போர்த்துக்கல் பிரதமர் அந்தோனியோ கிராஞ்சோ உட்படப் பல அரசியல்வாதிகள் கொல்லப்பட்டனர்.

3. 1935

   எதியோப்பியாவை இத்தாலி கைப்பற்றியதை அடுத்து உலக நாடுகளின் கூட்டணி இத்தாலி மீது பொருளாதாரத் தடைகளை அறிவித்தது.

4. 1943

   2,098 இத்தாலிய போர்க் கைதிகளுடன் சென்ற சின்ஃபிரா என்ற சரக்குக் கப்பல் கிரீட் நகரில் சௌதா குடாவில் கூட்டுப் படையினரால் தாக்கப்பட்டு மூழ்கடிக்கப்பட்டது.

5. 1943

   காச நோய்க்கான இசுட்ரெப்டோமைசின் என்ற முதலாவது நுண்ணுயிர் எதிர்ப்பி மருந்து இரட்கர்சு பல்கலைக்கழகத்தில் பிரித்தெடுக்கப்பட்டது.

6. 1944

   இரண்டாம் உலகப் போர்: ஐக்கிய அமெரிக்கப் படைகள் பிலிப்பைன்சில் தரையிறங்கின.

7. 1944

   குவாத்தமாலாவில் பத்தாண்டுகள் நீடித்த இராணுவப் புரட்சி ஆரம்பமானது.

8. 1950

   சீனாவின் மக்கள் விடுதலை இராணுவத்தினர் திபெத்தின் காம்டோ நகரைக் கைப்பற்றினர்.

9. 1950

   சீனா கொரியப் போரில் இணைந்தது. பல்லாயிரக்கணக்கான இராணுவத்தினர் ஐநா படைகளை எதிர்க்க யாலு ஆற்றைத் தாண்டினர்.

10. 1954

    சோ ஓயு மலையின் உச்சி முதன் முறையாக எட்டப்பட்டது.

11. 1956

    சோவியத் ஒன்றியமும் யப்பானும் அமைதி ஒப்பந்தத்தில் கையெழுத்திட்டதன் மூலம் 1945 ஆகத்து முதல் இரு நாடுகளுக்குமிடையே நீடித்து வந்த போர் முடிவுக்கு வந்தது.

12. 1960

    பனிப்போர்: அமெரிக்கா கம்யூனிசக் கியூபா மீது பொருளாதார தடைகளை விதித்தது.

13. 1974

    நியுவே நியூசிலாந்திடமிருந்து விடுதலைப் பெற்று சுயாட்சி மண்டலமாகியது.

14. 1976

    சிம்பன்சி உலகின் அருகி வரும் மிருக இனமாக அறிவிக்கப்பட்டது.

15. 1983

    கிரெனாடாவில் அக்டோபர் 14 இல் இடம்பெற்ற இராணுவப் புரட்சியை அடுத்து அதன் பிரதமர் மோரிஸ் பிசொப் படுகொலை செய்யப்பட்டார்.

16. 1986

    மொசாம்பிக் அதிபர் சமோரா மேச்சல் உட்பட 33 பேர் விமான விபத்தொன்றில் கொல்லப்பட்டனர்.

17. 1987

    அமெரிக்கக் கடற்படை பாரசீக வளைகுடாவில் இரண்டு ஈரானிய எண்ணெய்க் குதங்கள் மீது தாக்குதல் நடத்தியது.

18. 1988

    பிரித்தானிய அரசு சின் பெயின் மற்றும் அயர்லாந்து துணை இராணுவக் குழுக்கள் மீது வானொலி, தொலைக்காட்சித் தடை விதித்தது.

19. 2000

    பிபிசியின் யாழ்ப்பாண நிருபர் நிமலராஜன் துணை இராணுவக் குழுவினரால் படுகொலை செய்யப்பட்டார்.

21ஆம் நூற்றாண்டு

1. 2001

   400 அகதிகளை ஏற்றிச் சென்ற இந்தோனேசியப் படகு கிறிஸ்துமஸ் தீவில் கவிழ்ந்ததில் 146 சிறுவர்கள், 142 பெண்கள் உட்பட 353 பேர் உயிரிழந்தனர்.

2. 2003

   திருத்தந்தை இரண்டாம் அருள் சின்னப்பர் அன்னை தெரேசாவை முத்திப்பேறு பெற்றவராக அறிவித்தார்.

3. 2005

   மானிடத்துக்கு எதிரான குற்றங்களுக்காக சதாம் உசைனுக்கு எதிரான வழக்கு பக்தாதில் தொடங்கியது.

4. 2009

   தமிழ்நாதம், புதினம் ஆகிய ஈழச்சார்பு இணையத்தளங்கள் நிறுத்தப்பட்டன.

5. 2013

   புவெனஸ் ஐரிஸ் நகரில் இடம்பெற்ற தொடருந்து விபத்தில் 105 பேர் உயிரிழந்தனர்.

• ல லூமியேர் சகோதரர்கள் 1862 அகுஸ்தே லூமியேர், பிரான்சியத் திரைப்பட இயக்குநர், தயாரிப்பாளர் (இ. 1954)
• வ வெ. இராமலிங்கம் பிள்ளை 1888 நாமக்கல் கவிஞர் (இ. 1972)
• ல லூயிசு மம்ஃபோர்டு 1895 அமெரிக்க வரலாற்றாளர், மெய்யியலாளர் (இ. 1990)
• ச சுப்பிரமணியன் சந்திரசேகர் 1910 நோபல் பரிசு பெற்ற இந்திய-அமெரிக்க இயற்பியலாளர் (இ. 1995)
• வ வினிசியசு டி மோரேசு 1913 பிரேசில் கவிஞர் (இ. 1980)
• ச சரத்சந்திர சங்கர் சிறீகாந்த் 1917 இந்தியக் கணிதவியலாளர்
• ம மன்னை நாராயணசாமி 1919 தமிழக அரசியல்வாதி
• ந நரேந்திரநாத் சக்ரவர்த்தி 1924 வங்காள மொழிக் கவிஞர் (இ. 2018)
• ஜ ஜான் லே காரே 1931 ஆங்கிலேய உளவுப்புனைவு எழுத்தாளர்
• ஜ ஜிம் ரோஜர்ஸ் 1942 அமெரிக்கத் தொழிலதிபர், முதலீட்டாளர், நூலாசிரியர்
• ஆ ஆங்கசு டீட்டன் 1945 நோபல் பரிசு பெற்ற இசுக்கொட்டிய-அமெரிக்க பொருளியலாளர்
• ர ரா. தாமரைக்கனி 1946 தமிழக அரசியல்வாதி (இ. 2005)
• ம மதன் பாப் 1953 நகைச்சுவை நடிகர் (இ. 2025)
• ஜ ஜீன் கம்பாண்டா 1955 ருவாண்டா அரசியல்வாதி, இனப்படுகொலைக் குற்றவாளி
• க கு. ஞானசம்பந்தன் 1956 தமிழகத் தமிழறிஞர், பேச்சாளர், எழுத்தாளர், நடிகர்
• ச சன்னி தியோல் 1961 இந்திய நடிகர்
• ந நவரத்தினம் கேசவராஜன் 1962 ஈழத்துத் தமிழ்த் திரைப்பட இயக்குநர், தயாரிப்பாளர் (இ. 2021)
• க கோ சன் 1976 தென் கொரிய விண்வெளி வீரர்

• இ இங்கிலாந்தின் ஜான் 1216 ஜான், இங்கிலாந்து மன்னர் (பி. 1167)
• ஜ ஜோனதன் ஸ்விப்ட் 1745 அயர்லாந்து எழுத்தாளர் (பி. 1667)
• ஜ ஜேம்சு சவுத் 1867 பிரித்தானிய வானியலாளர் (பி. 1785)
• ல லூ சுன் 1936 சீன எழுத்தாளர் (பி. 1881)
• எ எர்ணஸ்ட் ரதர்ஃபோர்டு 1937 நோபல் பரிசு பெற்ற நியூசிலாந்து-ஆங்கிலேய வேதியியலாளர் (பி. 1871)
• எ எட்னா செயிண்ட். வின்சென்ட் மில்லாய் 1950 அமெரிக்கக் கவிஞர் (பி. 1892)
• ம மயில்வாகனம் நிமலராஜன் 2000 நிமலராஜன், யாழ்ப்பாண பிபிசி செய்தியாளர்
• த தர்மா குமார் 2001 இந்திய பொருளியல் வரலாற்றாசிரியர், நூலாசிரியர் (பி. 1928)
• ஸ ஸ்ரீவித்யா 2006 தென்னிந்தியத் திரைப்பட நடிகை (பி 1953)
• க காக்கநாடன் 2011 இந்திய எழுத்தாளர் (பி. 1935)
• ப பங்காரு அடிகளார் 2023 தமிழக ஆன்மீக குரு (பி. 1941)