Skip to content

Popular

August 27 வியாழன்

On this day · August 27

வரலாற்றில் ஆகத்து 27

ஆகத்து 27 அன்று நிகழ்ந்த 82 வரலாற்றுத் தகவல்கள் — நிகழ்வுகள், பிறப்புகள், இறப்புகள், சிறப்பு நாட்கள்.

வரலாற்று நிகழ்வுகள் · 40 பிறப்புகள் · 17 இறப்புகள் · 23 சிறப்பு நாட்கள் · 2

ஆகத்து 27 · சிறப்பு நாட்கள்

வரலாற்று நிகழ்வுகள்

Events · 40

5ஆம் நூற்றாண்டு

  1. 410

    விசிகோத்துகளின் உரோமை மீதான மூன்று நாள் முற்றுகை முடிவுற்றது.

12ஆம் நூற்றாண்டு

  1. 1172

    இங்கிலாந்து மன்னர் இரண்டாம் என்றி தனது வாரிசுகளாக என்றி (இளம் மன்னர்), பிரான்சின் மார்கரெட் ஆகியோருக்கு முடி சூடினார், ஆனாலும் அவர்களுக்கு எவ்வித அதிகாரமும் வழங்கவில்லை.

16ஆம் நூற்றாண்டு

  1. 1593

    பிரான்சு மன்னர் நான்காம் என்றியைப் படுகொலை செய்ய பியேர் பாரியர் என்பவன் எடுத்த முயற்சி வெற்றி பெறவில்லை.

17ஆம் நூற்றாண்டு

  1. 1664

    பிரெஞ்சுக் கிழக்கிந்தியக் கம்பனி நிறுவப்பட்டது.

  2. 1689

    உருசியாவுக்கும் சீனாவின் சிங் பேரரசுக்கும் இடையில் நெர்ச்சின்ஸ்க் உடன்பாடு எட்டப்பட்டது.

18ஆம் நூற்றாண்டு

  1. 1776

    லோங் தீவுச் சண்டை: இன்று புரூக்ளின் என அழைக்கப்படும் இடத்தில் பிரித்தானியப் படைகள் சியார்ச் வாசிங்டன் தலைமையிலான அமெரிக்கப் படைகளைத் தோற்கடித்தன.

  2. 1781

    இரண்டாவது ஆங்கிலேய மைசூர் போர்: பொள்ளிலூர் போர் (1781): ஐதர் அலி தலைமையில் மைசூர் அரசுப் படைகளுக்கும் ஜெனரல் ஐயிர் கூட் தலைமையில் பிரித்தானிய கிழக்கிந்திய நிறுவனப் படைகளுக்கும் இடையே காஞ்சிபுரம் அடுத்த பொள்ளிலூரில் போர் இடம்பெற்றது. 2,000 இற்கும் அதிகமானோர் கொல்லப்பட்டனர்.

  3. 1793

    பிரெஞ்சுப் புரட்சிப் போர்கள்: துலோன் நகரம் பிரெஞ்சுப் குடியரசுக்கு எதிராகக் கிளர்ச்சியில் இறங்கியது. பிரித்தானிய, எசுப்பானியப் படைகளைத் தனது துறைமுகத்தில் இறங்க அனுமதித்தது. இதன் விளைவாக பிரெஞ்சு புரட்சிப் படைகள் துலோனைக் கைப்பற்றின.

19ஆம் நூற்றாண்டு

  1. 1810

    நெப்போலியப் போர்கள்: பிரெஞ்சுக் கடற்படை பிரித்தானிய அரச கடற்படையைத் தோற்கடித்தது. இதன் மூலம் பிரெஞ்சுத் தீவில் கிராண்ன் போர்ட் துறைமுகத்தை பிரித்தானியா கைப்பற்றுவதை முறியடித்தது.

  2. 1813

    பிரெஞ்சுப் பேரரசன் முதலாம் நெப்போலியன் ஆத்திரிய, உருசிய, புருசியப் பெரும் படைகளை திரெஸ்டன் சமரில் வென்றான்.

  3. 1828

    பிரேசிலுக்கும் அர்கெந்தீனாவுக்கும் இடையில் இடம்பெற்ற சமரசப் பேச்சுக்களில் உருகுவை தனிநாடாக அறிவிக்கப்பட்டது.

  4. 1832

    அமெரிக்காவின் சவுக் பழங்குடித் தலைவர் பிளாக் ஹாக் அமெரிக்க அதிகாரிகளிடம் சரணடைந்தார். பிளாக் ஹாக் போர் முடிவுக்கு வந்தது.

  5. 1859

    அமெரிக்காவில் பென்சில்வேனியா மாநிலத்தில் பாறை எண்ணெய் கண்டுபிடிக்கப்பட்டது. இதுவே உலகில் வணிகத்துக்காக வெற்றிகரமாகத் தோண்டப்பட்ட முதலாவது எண்ணெய்க் கிணறு ஆகும்.

  6. 1881

    அமெரிக்காவில் புளோரிடா மாநிலத்தில் இடம்பெற்ற ஜியார்ஜியா சூறாவளியினால் 700 பேர் வரையில் இறந்தனர்.

  7. 1883

    இந்தோனேசியாவில் கிரக்கத்தோவா எரிமலைத் தீவு வெடித்ததினால் உருவாகிய ஆழிப்பேரலையினால் ஜாவா, சுமாத்திரா தீவுகளில் பல இடங்கள் அழிந்தன. கிட்டத்தட்ட 36,417 பேர் உயிரிழந்தனர். சுற்றுச்சூழலில் பெரும் பாதிப்பு ஏற்பட்டது.

  8. 1893

    ஐக்கிய அமெரிக்காவில் கடல் தீவுகளில் இடம்பெற்ற சூறாவளியில் ஆயிரத்துக்கும் அதிகமானோர் கொல்லப்பட்டனர்.

  9. 1896

    ஆங்கிலேய-சன்சிபார் போர்: ஐக்கிய இராச்சியத்துக்கும் சான்சிபாருக்கும் இடையில் இடம்பெற்ற போர் உலகின் மிககுறைந்த நேரத்தில் (09:02 - 09:40) நிகழ்ந்து முடிந்த போராகும்.

20ஆம் நூற்றாண்டு

  1. 1916

    முதலாம் உலகப் போர்: உருமேனியா ஆத்திரியா-அங்கேரியுடன் போரை அறிவித்தது.

  2. 1928

    போரை சட்டவிரோதமாக்கும் கெலொக்-பிறையண்டு உடன்படிக்கையில் 15 நாடுகள் கையெழுத்திட்டன. மொத்தமாக 61 நாடுகள் இதில் பின்னர் கையெழுத்திட்டன.

  3. 1933

    ஆபிரிக்கான மொழியில் விவிலியம் முதல்தடவையாக மொழிபெயர்க்கப்பட்டது. தென்னாப்பிரிக்காவின் புளும்பொன்டின் நகரில் இடம்பெற்ற விவிலிய விழாவில் இது அறிமுகமானது.

  4. 1939

    உலகின் முதலாவது ஜெட் விமானம் சேவைக்கு விடப்பட்டது.

  5. 1942

    உக்ரைனில் சார்னி என்ற இடத்தில் யூதர்கள் படுகொலை ஆரம்பமானது. இரண்டு நாள் தாக்குதல்கலில் 14,000 முதல் 18,000 யூதரக்ள் கொல்லப்பட்டனர்.

  6. 1943

    இரண்டாம் உலகப் போர்: சப்பானியப் படைகள் சொலமன் தீவுகளில் ஒன்றான நியூ ஜோர்ஜியா தீவில் இருந்து வெளியேறினர்.

  7. 1943

    இரண்டாம் உலகப் போர்: நாட்சி ஜெர்மனியின் வான் சண்டைப் படை கிரீட் நகரில் வொரிசியா கிராமத்தைக் குண்டு வீசி அழித்தது.

  8. 1952

    லக்சம்பேர்க்கில் மேற்கு செருமனிக்கும் இசுரேலுக்கும் இடையில் போர் நட்டஈடு தொடர்பாக உடன்பாடு ஏற்பட்டது. இதன்படி செருமனி 3 பில்லியன் டொச்சு மார்க்கை நட்டஈடாகச் செலுத்த ஒப்புக் கொண்டது.

  9. 1956

    உலகின் முதலாவது வணிக-ரீதியாக மின்சாரம் உற்பத்தி செய்யும் அணு மின் நிலையம் ஐக்கிய இராச்சியத்தில் கால்டர் ஹால் என்ற இடத்தில் நிறுவப்பட்டது.

  10. 1957

    மலேசியாவின் அரசியலமைப்பு சாசனம் அமுலானது.

  11. 1962

    நாசா மரைனர் 2 விண்கலத்தை வீனசு கோளை நோக்கி ஏவியது.

  12. 1971

    ஆப்பிரிக்காவின் சாட் நாட்டில் இடம்பெற்ற இராணுவப் புரட்சி தோல்வியடைந்தது. சாட் அரசு எகிப்து மீது குற்றம் சாட்டியது.

  13. 1975

    போர்த்துக்கீசத் திமோரின் ஆளுநர் அதன் தலைநகர் டிலியைக் கிளர்ச்சியாளர்களிடம் கைவிட்டு அட்டாவுரோ தீவுக்குத் தப்பி ஓடினார்.

  14. 1979

    அயர்லாந்தில் விடுமுறையைக் கழித்துக் கொண்டிருந்த மவுண்ட்பேட்டன் பிரபுவும் மற்றும் மூவரும் ஐரியக் குடியரசுப் படையின் குண்டுவெடிப்பில் கொல்லப்பட்டனர். மேலுமொரு குண்டுவெடிப்பில் வட அயர்லாந்தில் 18 பிரித்தானியப் படையினர் கொல்லப்பட்டனர்.

  15. 1982

    துருக்கிய இராணுவ தூதர் அட்டில்லா அல்டிகாட் கனடாவின் ஒட்டாவாவில் சுட்டுக் கொல்லப்பட்டார். 1915ம் ஆண்டில் 1.5 மில்லியன் ஆர்மீனியர்கள் படுகொலை செய்யப்பட்டமைக்கு பழிவாங்கவென இத்தாக்குதலை நடத்தியதாக ஆர்மீனிய தீவிரவாதக் குழு இதற்கு உரிமை கோரியது.

  16. 1985

    நைஜீரியாவில் நிகழ்ந்த இராணுவப் புரட்சியில் அந்நாட்டு அரசு கவிழ்க்கப்பட்டது.

  17. 1991

    எசுத்தோனியா, லாத்வியா, லித்துவேனியா ஆகிய பால்ட்டிக் நாடுகளை ஐரோப்பிய ஒன்றியம் அங்கீகரித்தது.

  18. 1991

    சோவியத் ஒன்றியத்தில் இருந்து மல்தோவா பிரிந்து தனிநாடாகியது.

21ஆம் நூற்றாண்டு

  1. 2003

    செவ்வாய்க் கோள் பூமிக்கு மிகக் கிட்டவாக (55,758,006 கிலோமீட்டர் தூரத்துக்கு) கிட்டத்தட்ட 60,000 ஆண்டுகளுக்குப் பின்னர் வந்தது.

  2. 2003

    வட கொரியாவின் அணுவாயுதத் திட்டத்திற்கு அமைதி வழியில் தீர்வு காணும் பொருட்டு தெற்கு மற்று வட கொரியா, அமெரிக்கா, சீனா, சப்பான், உருசியா ஆகிய ஆறு நாடுகள் முதல் கட்டப் பேச்சுக்களில் ஈடுபட்டன.

  3. 2006

    அமெரிக்காவின் கென்டக்கியில் புளூகிராஸ் விமான நிலையத்தில் இருந்து புறப்பட்ட கொம்ஏர் விமானம் சிறிது நேரத்தில் தரையில் வீழ்ந்து நொருங்கியதில் 50 பேரில் 49 பேர் உயிரிழந்தனர்.

  4. 2009

    பர்மாவின் கோக்காங் சிறப்புப் பிராந்தியத்தில் பர்மிய இராணுவத்துக்கும் உள்ளூர் இராணுவத்துக்கும் இடையில் மூன்று நாள் சமர் இடம்பெற்றது.

  5. 2011

    ஐரீன் சூறாவளி அமெரிக்காவின் கிழக்குக் கரையைத் தாக்கியதில் 47 பேர் உயிரிழந்தனர்.

பிறப்புகள்

Births · 17

இறப்புகள்

Deaths · 23

இம்மாத நாட்கள் · ஆகத்து

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31

தகவல்கள் தமிழ் விக்கிப்பீடியா — ஆகத்து 27 பக்கத்திலிருந்து. உரை CC BY-SA 4.0 உரிமத்தின் கீழ் வழங்கப்படுகிறது.