வரலாற்றில் பெப்ரவரி 19

4ஆம் நூற்றாண்டு

1. 356

   பேரரசர் இரண்டாம் கான்ஸ்டன்டியசு உரோமைப் பேரரசில் உள்ள அனைத்து பாகன் கோவில்களையும் மூடிவிட கட்டளை பிறப்பித்தார்.

16ஆம் நூற்றாண்டு

1. 1594

   போலந்து-லித்துவேனியா பொதுநலவாயத்தின் மன்னர் மூன்றாம் சிகிசுமண்டு சுவீடன் மன்னராக முடி சூடினார்.

2. 1600

   பெருவின் உவாய்நப்பூட்டினா என்ற சுழல்வடிவ எரிமலை வெடித்தது.

17ஆம் நூற்றாண்டு

1. 1649

   இரண்டாம் குவாராராப்பசு சமர் ஆரம்பமானது. பிரேசிலில் டச்சு குடியேற்றம் முடிவுக்கு வந்தது.

2. 1674

   இங்கிலாந்துக்கும் நெதர்லாந்துக்கும் இடையில் அமைதி உடன்பாடு எட்டப்பட்டதில் மூன்றாவது ஆங்கிலேய-இடச்சுப் போர் முடிவுக்கு வந்தது. இதன்படி டச்சு குடியேற்றப் பகுதியான நியூ ஆம்ஸ்டார்டாம் இங்கிலாந்துக்குக் கொடுக்கப்பட்டு நியூ யோர்க் எனப் பெயர் மாற்றப்பட்டது.

19ஆம் நூற்றாண்டு

1. 1807

   அமெரிக்காவின் முன்னாள் துணை அரசுத்தலைவர் ஆரன் பர் தேசத்துரோகக் குற்றம் சாட்டப்பட்டு கைது செய்யப்பட்டார்.

2. 1815

   கண்டிப் போர்கள்: கண்டியின் கடைசி மன்னர் விக்கிரம ராஜசிங்கன் பிரித்தானியரால் தூம்பறை என்ற இடத்தில் கைது செய்யப்பட்டார்.

3. 1876

   யாழ்ப்பாணம் கத்தோலிக்க கார்டியன் ஆங்கில இதழ் வெளியிடப்பட்டது.

4. 1878

   கிராமபோனிற்கான காப்புரிமத்தை தாமசு ஆல்வா எடிசன் பெற்றார்.

5. 1884

   60 இற்கும் மேற்பட்ட சுழல் காற்றுகள் ஐக்கிய அமெரிக்காவின் தெற்குப் பகுதிகளைத் தாக்கின.

20ஆம் நூற்றாண்டு

1. 1913

   பெத்ரோ லாசுகுராயின் மெக்சிக்கோவின் அரசுத்தலைவராக 45 நிமிட நேரம் மட்டும் பதவியில் இருந்தார். உலகில் மிகக் குறைந்த நேரம் பதவியில் இருந்த அரசுத்தலைவர் இவரே.

2. 1915

   முதலாம் உலகப் போர்: தார்தனெல்சு நீரிணை மீதான முதலாவது கடற்படைத் தாக்குதல் ஆரம்பமானது. ஆங்கிலோ-பிரெஞ்சுக் கூட்டுப் படைகள் உதுமானியப் படைகள் மீது கலிப்பொலி கரையோரப் பகுதிகளில் குண்டுகளை வீசின. கலிப்பொலி போர் ஆரம்பமாயிற்று.

3. 1942

   இரண்டாம் உலகப் போர்: சப்பானிய அமெரிக்கர்களை இடைத்தங்கல் முகாம்களில் தங்க வைக்க அமெரிக்கத் தலைவர் பிராங்க்ளின் ரூசவெல்ட் உத்தரவிட்டார்.

4. 1942

   இரண்டாம் உலகப் போர்: கிட்டத்தட்ட 250 சப்பானியப் போர் விமானங்கள் ஆத்திரேலியாவின் வட மண்டலத்தின் தலைநகர் டார்வின் மீது குண்டுகளை வீசியதில் 243 பேர் கொல்லப்பட்டனர்.

5. 1943

   இரண்டாம் உலகப் போர்: தூனிசியாவில் கேசரைன் கணவாய் சண்டை ஆரம்பமானது.

6. 1945

   இரண்டாம் உலகப் போர்: இவோ ஜீமா சண்டை: 30,000 ஐக்கிய அமெரிக்க கடற்படையினர் சப்பானின் இவோ ஜீமா தீவில் தரையிறங்கினர்.

7. 1948

   விடுதலைக்காகப் போராடும் தென்கிழக்காசியாவின் இளையோர் மற்றும் மாணவர் மாநாடு கல்கத்தாவில் ஆரம்பமானது.

8. 1954

   கிரிமியாவை உருசிய சோவியத் குடியரசில் இருந்து உக்ரைன் சோவியத் குடியரசிற்கு கையளிக்க சோவியத் உயர்பீடம் முடிவெடுத்தது.

9. 1959

   ஐக்கிய இராச்சியம் சைப்பிரசுக்கு விடுதலையை வழங்கியது. சைப்பிரசு அதிகாரபூர்வமாக 1960 ஆகத்து 16 இல் விடுதலை பெற்ற நாடாகியது.

10. 1965

    வியட்நாம் குடியரசு இராணுவத் தளபதி பாம் ஙொக் தாவோ, வடக்கு வியட்நாம் வியட் மின் கம்யூனிச உளவாளியுடன் இணைந்து (அனைவரும் கத்தோலிக்கர்கள்) தெற்கு வியட்நாமில் பௌத்தரான நியூவென் கானின் ஆட்சிக்கு எதிராக இராணுவப் புரட்சியை நடத்தித் தோல்வியடைந்தனர்.

11. 1978

    சைப்பிரசின் லனார்க்கா விமான நிலையத்தில் கடத்தப்பட்ட எகிப்திய விமானத்தை விடுவிக்க சைப்பிரசின் முன் அனுமதியின்றி தாக்குதலில் ஈடுபட்ட எகிப்திய அதிரடிப் படைகளை சைப்பிரஸ் இராணுவத்தினர் தாக்கியட்தில் 15 எகிப்திய படைகள் கொல்லப்பட்டனர்.

12. 1985

    வில்லியம் சுரோடர் செயற்கை இதயம் வெற்றிகரமாகப் பொருத்தப்பட்டு மருத்துவமனையில் இருந்து வெளியேறிய முதலாவது நபரானார்.

13. 1985

    எசுப்பானியாவின் போயிங் விமானம் ஒன்று ஓயிஸ் மலையில் மோதியதில் 148 பேர் கொல்லப்பட்டனர்.

14. 1986

    சோவியத் ஒன்றியம் மீர் விண்வெளி நிலையத்தை விண்ணுக்கு ஏவியது.

15. 1986

    உடும்பன்குளம் படுகொலைகள், 1986: அம்பாறையின் உடும்பன்குளத்தில் 80 தமிழ் விவசாயிகள் இலங்கை இராணுவத்தினரால் சித்திரவதை செய்து கொலை செய்யப்பட்டனர்.

21ஆம் நூற்றாண்டு

1. 2002

   நாசாவின் மார்சு ஒடிசி விண்ணுளவி செவ்வாய்க் கோளின் மேற்பரப்பை வெப்ப உமிழ்வு முறை மூலம் வரைய ஆரம்பித்தது.

2. 2003

   ஈரானில் இலியூசின் ரக இராணுவ விமானம் வீழ்ந்து நொருங்கியதில் 275 பேர் உயிரிழந்தனர்.

3. 2006

   மெக்சிக்கோவில் நிலக்கரி சுரங்கம் ஒன்றில் மெத்தேன் வெடிப்பு ஏற்பட்டதில் 65 சுரங்கத் தொழிலாளர்கள் உயிரிழந்தனர்.

4. 2012

   மெக்சிக்கோவில் சிறைச்சாலை ஒன்றில் நிகழ்ந்த வன்முறைகளில் 44 பேர் உயிரிழந்தனர்.

• ந நிக்கோலாஸ் கோப்பர்னிக்கஸ் 1473 போலந்து கணிதவியலாளர், வானியலாளர் (இ. 1543)
• ச சிவாஜி (பேரரசர்) 1630 சிவாஜி, மராட்டியப் பேரரசர் (இ. 1680)
• ஆ ஆகஸ்ட் சிலெய்ச்சர் 1821 செருமானிய மொழியியலாளர் (இ. 1868)
• உ உ. வே. சாமிநாதையர் 1855 தமிழறிஞர் (இ. 1942)
• ச சுவாந்தே அறீனியசு 1859 நோபல் பரிசு பெற்ற சுவீடன் வேதியியலாளர் (இ. 1927)
• ம மாதவ சதாசிவ கோல்வால்கர் 1906 இந்திய இந்துத்துவவாதி (இ. 1973)
• த தரம்பால் 1922 உத்தரப் பிரதேச காந்தியவாதி, வரலாற்றாளர் (இ. 2006)
• ப பியான்ட் சிங் (முதலமைச்சர்) 1922 பியான்ட் சிங், இந்திய அரசியல்வாதி, பஞ்சாப் முதலமைச்சர் (இ. 1995)
• க கே. விஸ்வநாத் 1930 இந்திய நடிகர், இயக்குநர் (இ. 2023)
• ட டேவிட் கிராஸ் 1941 நோபல் பரிசு பெற்ற அமெரிக்க இயற்பியலாளர்
• ப பாண்டு (நடிகர்) 1947 பாண்டு, தமிழகத் திரைப்பட நகைச்சுவை நடிகர் (இ. 2021)
• க கிறிஸ்டினா ஃபெர்னாண்டஸ் தெ கிர்ச்னர் 1953 அர்ச்செந்தீனாவின் 52வது அரசுத்தலைவர்
• இ இளவரசர் ஆண்ட்ரூ, யார்க் கோமகன் 1960 இளவரசர் ஆண்ட்ரூ, யார்க் கோமகன்
• ச சரண்யா மோகன் 1989 தென்னிந்திய நடிகை.
• வ விக்டோரியா ஜஸ்டிஸ் 1993 அமெரிக்க நடிகை, பாடகி

• எ எராசுமசு இரீன்கோல்டு 1553 செருமானிய வானியலாளர், கணிதவியலாளர் (பி. 1511)
• க கார்ல் வியர்ஸ்ட்ராஸ் 1897 செருமானியக் கணிதவியலாளர் (பி. 1815)
• க கோபால கிருஷ்ண கோகலே 1915 இந்திய மெய்யியலாளர், விடுதலைப் போராட்ட செயற்பாட்டாளர் (பி. 1866)
• எ எர்னெசுட் மாக் 1916 ஆத்திரிய இயற்பியலாளர், மெய்யியலாளர் (பி. 1838)
• ச சிதம்பரம் வைத்தியநாத பிள்ளை 1937 தமிழக நாதசுவர இசைக் கலைஞர் (பி. 1884)
• ச சைமன் கிரகரி பெரேரா 1950 இலங்கை யேசு சபை மதகுரு, வரலாற்றாளர் (பி. 1882)
• ஜ ஜியார்ஜியோ பாபனிகொலாவு 1962 பாப் சோதனையைக் கண்டுபிடித்த கிரேக்க-அமெரிக்க மருத்துவர் (பி. 1883)
• ஜ ஜி. நாகராஜன் 1981 தமிழகச் சிறுகதை எழுத்தாளர் (பி. 1929)
• எ எஸ். வி. சகஸ்ரநாமம் 1988 தமிழக நாடக, திரைப்பட நடிகர் (பி. 1913)
• ட டங் சியாவுபிங் 1997 சீன அரசியல்வாதி (பி. 1904)
• ஜ ஜேம்ஸ் ஹார்டி 2003 அமெரிக்க மருத்துவர், உறுப்பு மாற்று அறுவை சிகிச்சையின் முன்னோடி (பி. 1918)
• ப பெடரிக்கு இசுட்டால் 2012 டச்சு மெய்யியலாளர் (பி. 1930)
• ஜ ஜிம் விரிச் 2014 அமெரிக்கக் கணிணி அறிவியலாளர் (பி. 1956)
• உ உம்பெர்த்தோ எக்கோ 2016 இத்தாலியக் குறியியலாளர், எழுத்தாளர் (பி. 1932)
• ஹ ஹார்ப்பர் லீ 2016 அமெரிக்க எழுத்தாளர் (பி. 1926)
• த திருவாளப்புத்தூர் டி. ஏ. கலியமூர்த்தி 2020 தமிழகத் தவில் கலைஞர் (பி. 1948)
• ம மயில்சாமி (நடிகர்) 2023 மயில்சாமி, தென்னிந்திய நடிகர், நகைச்சுவையாளர் (பி. 1965)