மிக குறைந்த நேரத்தில் இலகுவாக செய்யக்க்கூடிய பொட்டோட்டோ சீஸ் ஆம்லெட்

தேவையான பொருட்கள்

முட்டை - 4
உருளைக்கிழங்கு - ஒன்று
சீஸ் - ஒரு ஸ்லைஸ்
வெங்காயம் - ஒன்று
பச்சைமிளகாய் - ஒன்று
மிளகு தூள் - ஒரு தேக்கரண்டி
உப்பு - தேவையான அளவு

செய்முறை

1. வெங்காயத்தை நீளவாக்கில் மெல்லியதாக நறுக்கி வைக்கவும். உருளைக்கிழங்கை தோல் சீவி விரல் நீள துண்டுகளாக நறுக்கி சிறிது உப்பு சேர்த்து பிரட்டி   வைக்கவும். பச்சைமிளகாயை பொடியாக நறுக்கவும்.

2. வாணலியில் எண்ணெய் ஊற்றி காய்ந்ததும் வெங்காயம், பச்சைமிளகாய் போட்டு வதக்கி எடுத்துக் கொள்ளவும்.அதே வாணலியில் மேலும் சிறிது எண்ணெய் விட்டு உருளைக்கிழங்கை போட்டு பொன்னிறமாக பொரித்து எடுக்கவும்.

3. ஒரு பாத்திரத்தில் முட்டையை உடைத்து ஊற்றி அடித்து அதில் மேலே குறிப்பிட்டுள்ள அனைத்து பொருட்களையும் சேர்த்து கலக்கிக் கொள்ளவும் சீஸை துண்டுகளாக்கியோ அல்லது துருவியோ சேர்க்கவும்.

4. நாண்ஸ்டிக் பேனில் முட்டை கலவையை ஆம்லெட்டாக ஊற்றி மூடி வைத்து வேக விடவும் ஆம்லெட் ஒரு புறம் வெந்ததும் அதை ஒரு தட்டில் மாற்றிக் கொள்ளவும்.

5. மற்றொரு புறம் வேக விட அதை மீண்டும் பேனிற்கு பொறுமையாக மாற்றவும் இருபுறமும் வெந்ததும் இறக்கவும். பொட்டோட்டோ சீஸ் ஆம்லெட் தயார்.